Mot me shi edhe gjatë kësaj jave (IHMK)

Dita e hënë dhe e martë mbi vendin tonë do të karakterizohet me mot kryesisht të vranët dhe me intervale të shkurta me diell .

Kështu njofton Instituti Hidrometeorologjik i Kosovës , sipas të cilit , vranësirat do të shoqërohen me reshje shiu .

Temperaturat minimale do të levizin ndërmjet 3-5 grade Celsius , kurse maksimalet e ditës do të lëvizin ndërmjet 10-14 grade Celsius .

Do të fryjë erë nga veriu dhe verilindja me shpejtësi 1-6m/s .

Nga dita e mërkurë fushat barike do të jenë paksa më stabile , kështu që do të krijohen kushte për mot me diell dhe vranësira kalimtare .

Të premten pritet te ketë zhvillim të vranësirave të cilat vende-vende do të shoqërohen me reshje shiu .

Temperaturat minimale do të lëvizin ndërmjet 3-6 grade Celsius , kurse maksimalet e ditës do të lëvizin ndërmjet 18-21 gradë Celsius .

Do të fryje erë nga jugu dhe jugperëndimi me shpejtësi 1-8m/s .