Skandal seksual në një Universitet në Shqipëri , perveç parave kërkohet edhe seks në këmbim të notës

Emisioni "Fiks Fare" sjellë fakte të reja mbi korrupsionin në marrjen e provimeve në Universitetin Bujqësor të Kamzës .

Sekseri i denoncuar në emisionin e parë përveçse merr para në këmbim të një note kaluese , kërkon dhe favore seksuale .

Në emisionin e dytë gazetarët e "Fiks Fare" paguan lëndën "Prodhim bimor", me profesor Bardh Sallaku dhe gjatë bisedës ata pyetën sekserin nëse e ka takuar profesorin , por refuzon te përgjigjet dhe u kërkon gazetarëve që të mos përmendin emra .

Pas realizmit të pagesës , Fiksi tregon se si studenti hyn në provim dhe merr notën

kaluese 5 .

"Fiks Fare" paguan 24 mijë lekë për dy provime të tjera , pikërisht "Marketing Agrar" dhe "Administrim publik".

Por në provimin e "Administrim publik" studenti nuk kaloi , kështu që sekseri pagesën që gazetarët bënë për këtë lëndë e kaloi për provimin e lëndës "Drejtim i fermave", me pedagog Maksim Meço . Edhe për këtë provim , sekretarja konfirmon që është marrë nota kaluese 5 .

Por , sekseri nuk u mjaftua vetëm me paratë , pasi ai kërkonte dhe favore seksuale në këmbim të notës kaluese dhe gjetjes së një pune .

Pas disa takimesh me gazetarët ai kërkoi që njëra nga bashkëpunëtoret e emisionit investigativ të bëhet e dashura e tij .

"Pse të thashë nga ora 9 unë ? Që të rri pak qetë . Të rri pak qetë me ty . Se tashi unë ty të kam shoqe . Me vete nuk do ta marr ty unë plaçkën . Aty e ke . Edhe burri për shembull , s’ka për ta marrë vesh burri , në punë është ai . Se mos ka për ta marrë vesh burri , aty e ke", – i drejtohet ai bashkëpunëtores së "Fiks Fare", duke shtuar se nuk ka rëndësi nderi pasi me të do të shëtisë botën .

"Unë kam qenë në Francë . Njësoj është gjithandej . Burri është në punë, burri është atje , ti këtu . Kush do ta marrë vesh ? Pastaj është një orë e caktuar . Për shembull nuk është një orë që ka shumë , nuk ka njerëz . Ne s’kemi për të ndenjur 4 orë, 5 orë", – vijon ngacmimin përgjegjësi i fakultetit .

Më tej , ai thotë se një të dashur që ka pasur në fakultetin ku është përgjegjës , e ka futur në punë te Zooteknika dhe një tjetër e ka çuar në Gjermani nëpërmjet universitetit , pasi është i vetmi që njihet në disa vende të botës .