I riu gjysmë-robot

Fiks katër vite më parë , një aksident me makinë i mori krahun dhe këmbën e majtë dhe iu deshën më shumë se katër muaj në spital që të mësonte të ecte sërish . Por sot , gjërat kanë ndryshuar dhe James Young thotë se nuk do të ndërronte asnjëherë krahun prostetik që ka me krahun që humbi në aksident . Për faktin e thjeshtë , ai në krahun metalik që i kanë instaluar në trup ka një lazer , një elektrik , një portë USB për të karikuar telefonin , një orë e madje edhe një minidrone që shkëputet . Krahu protestetik është dizejnuar nga Sphie de Oliveira Barata , pjesë e “Alternative Limb Project” në Britaninë e Madhe . Frymëzimi për të ka ardhur nga një karakter i lojërave Konami . “Fillimisht kisha krahë dhe këmbë prostetike që mora nga spitali , që nuk ishin fort entuziaste . Por gjërat ndryshuan , në internet gjëta një reklamë të Alternative Limb Project dhe mendova pse të mos e provojë . Ata po kërkon të rinj entuziastë me gjymtyrë të prera”, rrëfen James . James thotë se me t’u ofruar vullnetar nisi të punojë me Sophie dhe me t’u mbyllur dizajni i krahut , prodhimi u bë në 3D . I vetmi problem për James është lëvizshmëria e krahut metalik . Atij i duhet të përdorë dorën tjetër për ta manovruar atë . Por edhe për këtë ka një zgjidhje ; lidhja direkte me kockën e shpatull të krahut prostetik , një operacion që kushton shumë e për të cilin James ka kërkuar ndihmë tek GoFundMe .