Vendi ku shtëpitë janë pa dyer

Imagjinoni një vend ku nuk ka dyer shtëpie dhe ku bankat dhe çdo gjë tjetër lihen hapur , pa çelës .

Kjo është historia e fshatit Shani Shingnapur në Indi , ku vendasit nuk mbyllin asgjë , sepse kanë besim tek “Lord Shani”, perëndia që konsiderohet si ruajtësi i fshatit .

Sipas një legjende rreth 300-vjeçare ,"Lord Shani", u dërgoi një gur me fuqi magjike . Ky gur duhet të të lihej përjashta , në këtë mënyrë ai do t’u siguronte banorëve sigurinë dhe do të mbronte fshatin .

Që prej asaj ditë banorët vendosën që të hiqnin të gjitha dyert dhe të mos mbyllnin asgjë me çelës .

Kjo traditë vijon brez pas brezi dhe sot fshati pret rreth 40.000 vizitorë çdo ditë .

Banorë vendosin me raste pengesa në hyrje të shtëpisë për të ndaluar qentë e rrugës , por ata nuk mbajnë me çelës paratë dhe bizhuteritë e tyre , sepse janë të bindur që perëndia e tyre do t’i mbrojë .

Komisariati i policisë në këtë vend është hapur vetëm në vitin 2011 dhe prej asaj dite nuk ka marrë asnjë ankesë .

Ndërsa banka “United Commercial Bank” e hapur në këtë fshat , ka vetëm një derë prej xhami me një çelës automatik i cili është i padallueshëm , në respekt të traditës së banorëve .