Si të bëheni të pasur....??

Një i papunë po kërkonte punë si pastrues në zyrat e Microsoft . Shefi i personelit , pasi i bën një testim se si e fshinte dyshemenë , e interviston dhe në fund i thotë : Je i pranuar në punë , më jepni adresën tuaj të e-mailit , në mënyrë që t’ju dërgoj një formular ta plotësoni , ku do ju tregohet vendi dhe data kur do të paraqiteni per punë .

Burri , i shastisur , i përgjigjet se nuk disponon një kompjuter dhe aq më pak një adresë e-maili.

“ Nëse nuk ke një postë elektronike , i përgjigjet shefi , do thotë se virtualisht nuk ekziston , dhe nuk mund t’ju ofrohet vendi i punës”.

Burri , i dëshpëruar , me vetëm 10$ në xhep , del përjashta . Vendos të shkojë në një supermarket dhe të blejë një arkë me domate . Duke i shitur derë më derë domatet , arriti të dyfishonte shumën , dhe duke e përsëritur të njëjtën gjë për tre herë, në fund të ditës dispononte shumën prej 160 $

Në këtë moment , kupton se mund të jetojë në këtë mënyrë , del herët çdo mëngjes dhe kthehet vone në darkë , dhe çdo ditë dyfishon dhe trefishon kapitalin . Në pak kohë blenë një karroce , më pas një kamion , dhe në pak muaj posedon disa kamionçina me anë të së cilave bënë dorëzimet e porosive .

Në harkun kohor të 5 viteve , ky person , bëhet pronar i një serie dyqanesh ushqimore në Shtetet e Bashkuara . Në këtë moment vendos të mendojë për të ardhmen e tij , duke bërë sigurimin e jetës së tij dhe të familjes . Pasi kontakton me një të sigurimeve dhe interesohet për formularët përkatës , personi sigurimeve i kërkon adresën e e-mailit për t’i dërguar propozimet . Ky i përgjigjet se nuk ka as kompjuter dhe as e-mail .

“Interesante , thotë personi i sigurimeve , ju keni ndërtuar një perandori dhe nuk keni adresë e-maili ? Imagjino se çfarë përfitimesh do kishit sikur të kishit një kompjuter .”

Burri reflekton pak dhe i thotë : “Thjesht , do isha një pastrues pranë kompanisë Microsoft”...!