JA NË CILIN VEND GJENDEN FEMRAT DHE MESHKUJT MË TË GJATË

Kur vjen puna tek gjatësia , burrat holandez dhe gratë letoneze prijnë karshi nacionaliteteve të tjera , bën të ditur studimi .

Sipas po të njëjtit studim , një mashkull holandez është i gjatë 183 cm , ndërsa gjatësia e një gruaje letoneze arrin deri në 170 cm .

Ky hulumtim i publikuar në revistën Elife është kryer në 187 vende që nga viti 1914 .

Ndërsa në Britani , mesatarja e gjatësisë tek meshkujt është 178 , ndërsa tek femrat 164.

Sipas studimit , amerikanët kanë qenë në mesin e popujve më të gjatë , ku në vitin 1914 , meshkujt amerikan kanë qenë të tretë më të gjatë në botë , ndërsa femrat të katërtat . Por , sot meshkujt gjenden në vendin e 37 –të ndërsa femrat gjenden në vendin e 42-të .

Meshkujt më të vogël të planetit gjenden në Timorin Lindor , ndërsa gratë më të vogla të botës gjenden në Guatemala .

---