Njerëzimi në numra : 10 gjëra që nuk i dini mbi popullsinë në botë

Jemi më shumë se 7 miliardë banorë , kur do të bëhemi 10 ? Cila është mosha mesatare ? E dini që 62 persona kanë një pasuri të barabartë me atë të 3.6 miliardë banorëve .

Po që 663 milionë persona nuk kanë ujë . Ndërkohë që numri i personave që kanë celular është më i madh sesa ata që kanë një tualet . Sa njerëz kanë jetuar deri tani mbi Tokë ?

1 - Sipas World O meter jemi më shumë se 7.4 miliardë . Vendi me popullsinë më të madhe është Kina , me 1.4 miliard , pas saj vjen India me 1.29 miliard .

2 - Sipas People Reference Boureau (PRB), një OJF që punon për qeverinë amerikane , ka llogaritur se në Tokë kanë jetuar 108 miliardë banorë . Kjo do të thotë që aktualisht , se ne që jetojmë tani jemi vetëm 6.68 % e të gjithë popullsisë që ka jetuar në Tokë .

3- Në vitin 1 000 popullsia e botës ishte 400 milionë banorë . Në vitin 1750 ajo ishte dyfishuar në 800 milionë . Dhe në vitin kur Napoleoni u bë perandor , në 1804 , popullsia arriti në 1 miliard banorë . Ajo u dyfishua 123 vjet me pas dhe arrit në 3 miliardë në vitin 1960 . Pas 40 vjetësh, ajo është dyfishuar përsëri dhe në 31 tetor të vitit 211 , popullsia e botës arriti në 7 miliardë banorë .

4 - Në 2050 popullsia do të arrijë në 10 miliardë dhe 70 % e tyre do të jetojnë në qytete . Edhe pse është shtatëfishuar në dy shekujt e fundit , 11 miliardë nuk do të arrijmë deri ne shekullin e XXII . Kjo për shkak të uljes së lindjeve .

5 - Shpërthimi demografik , më shumë se me rritjen e numrit të lindjeve lidhet me uljen e numrit të vdekjeve , për shkak të përmirësimit të kushteve te jetës , ushqimit , ruajtjes së shëndetit , ilaçeve dhe mjekimeve të reja, edukimit , uljes së numrit të vatrave të luftës .

Në vendet e Evropës Perëndimore , mosha mesatare është 80.3 vjeç , në SHBA dhe Kanada , 79.3, ndërsa ne Afrikën Subsahariane , ajo është vetëm 51.5 vjeç .

6 - 663 milionë persona nuk kanë ujë , ndërsa 2.4 miliardë nuk kanë tualet . Ndërkohë që numri i personave që kanë celular është më i madh se sa ata që kanë një tualet .

7 - Sipas UNICEF , çdo ditë në botë lindin 353 mijë fëmijë , ose 18.9 lindje për 1000 banorë .

8 - Sipas National Geographic , nëse të gjithë banorët e Tokës do të viheshin sup më sup me njëri-tjetrin , ata do të krijonin një kuadrat 1300 km katrorë , pak a shumë sa sipërfaqja e Romës ose Los Anxhelosit .

9 - Sipas të dhënave të Oxfam , në vitin 2015, vetëm 62 persona kishin një pasuri të barabartë me atë të 3.6 miliardë banorëve , ose gjysmës më të varfër të popullsisë botërore . Në vitin 2010 , ishin 388 . Rezultati : Pasuria e 62 personave më të pasur është rritur me 44 % nga 2010 deri sot , një llogaritje e barabartë me më shumë se 500 miliardë dollarë . Në të njëjtën periudhë , pasuria e gjysmës më të varfër të popullsisë botërore është zvogëluar me pak më shumë se 1.000 miliardë dollarë (41 %) .

10 - 52 % e popullsisë botërore është nën 30 vjeç . 1.8 miliard janë mes 10 dhe 24 vjeç . Bota ka popullsi të re , edhe pjesa më e madhe e tyre jeton në 48 shtetet më pak të zhvilluara. (“Focus” / “TO”) .