Sa ju bëjnë mirë lotët?

Papritur , jeni në mes të një vale lotësh . Por , lexoni këto fakte , që mund t’ju surprizojnë , sepse , duket se e qara ju bën mirë .

Të gjithë kemi kaluar një situatë stresuese . Ju bërtet shefi , ju prishet makina , përplasni gishtat e këmbës pas tavolinës… Papritur , jeni në mes të një vale lotësh . Por , para se t’i thoni vetes të pushojë , lexoni këto fakte, që mund t’ju surprizojnë , sepse , mesa duket , e qara ju bën mirë .

Këto janë disa nga të mirat që mund ti keni nëse vërtetë mund të qani:

Lehtëson stresin - E qara largon manganin (një mineral që ndikon në ndryshimin e humorit) nga trupi . Ky mineral është 30 herë më i madh në sasi tek lotët , se sa në gjak . Sigurisht që ka mënyra të tjera për të larguar stresin , por nëse ju vijnë lotët , mos i mbani .

Forcon marrëdhëniet - I keni parasysh ato mbrëmjet e mbushura me lot me miket , në fund të të cilave përfundoni duke i shprehur dashurinë njëra-tjetrës . E qara forcon marrëdhëniet dhe miqësitë , pasi tërheq një përgjigje mbështetëse nga njerëzit që ju rrethojnë .

Ju rregullon humorin - Ndonjëherë ju duhet një e qarë e mirë! Studimet kanë arritur në përfundimin se njerëzit ndihen më të lumtur , si fizikisht ashtu edhe fiziologjikisht , pasi derdhin lot . Pse ? Studiuesit besojnë se lotët janë një mënyrë për të larguar lëndë kimike nga sistemi ynë , ndërsa çlirimi mendor i emocioneve na ndihmon të përballojmë situata të dhimbshme .