Ky djalosh thotë se mban mend jetën e mëparshme në Mars [Video]

Ndoshta nuk e dini , por fëmijët që kujtojnë jetën e tyre të kaluar nuk është diçka e re . Rimishërimi padyshim është një temë interesante , madje edhe për vetë shkencëtarët .

Carl Sagan , një astronom dhe astrobiolog amerikan , thotë se rimishërimi duhet të studiohet seriozisht , duke thënë se “fëmijët shpesh raportojnë detaje nga jeta e tyre e mëparshme , që , pas studimit , dalin të jenë të sakta dhe që për të cilat nuk kanë mundur të dinë ndryshe , përveçse përmes rimishërimit”.

Në një video të publikuar në YouTube , një fëmijë me emrin Boriska intervistohet nga Kerry Cassidy nga Project Camelot . Sipas asaj që thuhet , Boriska mban mend jetën e tij të mëparshme në Mars , transmeton Gazeta Express .

Nëna e tij kishte thënë se Boriska kishte filluar të fliste kur ishte vetëm katër muajsh , duke qenë në gjendje që të shqiptonte fjalë të plota pak më vonë . Kur ishte tetë muajsh ai mund të fliste me fjali të plota , dhe në moshën 2 vjeçare ai mund edhe të lexonte .

Ai ishte bërë i famshëm në komunitetin e tij për shkak se ishte shumë inteligjent , dhe kur i mbushi tri vjet , ai ishte në gjendje që t’i thoshte emrat e të gjithë planetëve në sistemin diellor , sa galaktika janë dhe më shumë . Ai dinte aq shumë për astronominë sa që kjo do të ishte e pamundur për një fëmijë të moshës së tij .

“Njerëzit nga Marsi udhëtuan nëpër shumë galaktika dhe sisteme planetare . Kishte anije në formë aeroplani . Ato ishin trekëndëshe”. Ai tha se këto anije kozmike përdornin energji të jonit dhe plazmës . Ai foli edhe për teleportatimin , duke thënë se “portali është i njëjtë me teleportin . Ngadalëson kohën dhe hapë një lloj portali ku koha shpejton shumë shpejtë…

Nuk mund ta them saktë . Nuk më kujtohet . Hapet në njërën anë dhe në pak sekonda ose minuta nëse transferi është shumë larg hapë një zonë tjetër të gjithësisë”.

Ai foli edhe për njerëzit nga planetët e tjerë dhe luftërat gjithashtu . Ai thotë se ka njerëz që jetojnë ende në Mars , por që jetojnë nën sipërfaqen e tij dhe brenda planetit , pasi sipas tij ata thithin CO2 .