Dimri erdhi , ky është parashikimi i motit për javën e ardhshme

Nga Italia një tjetër turbullirë që është afruar në vendin tonë ka sjellur sërish kushte për të reshura, ndërsa masa të ftohta ajrore nga veriu i kontinentit, pritet të depërtojnë nga dita e diel ku do të sjellin mot më të ftohtë.

Sonte gjatë natës, sipas Prishtina Weather, do të ketë rrebeshe të dobëta shiu, ndërsa në vise malore priten edhe reshje të borës, e vonë gjatë natës, shfaqen mundësi që rrebeshet e dobëta të shiut mund të përzien edhe me fjolla bore.

Me depërtimin e masave të ftohta ajrore dhe fushave me presion të lartë mbi rajon, të dielën do të mbajë mot i ftohtë, por do të ketë edhe intervale më të gjata me diell.

Në fillim të javës do të mbajë mot më stabil, i ftohtë, me vranësira dhe intervale me diell, të martën vende-vende priten mundësi për riga lokale shiu që mund të përzien edhe me fjolla bore. Në mëngjes do të ketë ngrica, e në vise të ulëta mundësi për mjegull.

Temperaturat maksimale do të zbresin nga 12C, të shtunën, në 4C deri 6C, në fillim të javës, e ato minimale nga 5C, deri në -3C.

Të shtunën do të fryjë erë mesatarisht e fuqishme nga jugu 6-14m/s, e nga dita e diel verilindja-veriperëndimi 1-7m/s.

Shtypja atmosferike do të rritet dukshëm mbi vlera normale.