Së shpejti do të mund ta 'pëlqeni' një foto në Facebook me buzëqeshje

Nëse ua pëlqeni postimet miqve në Facebook, së shpejti e gjitha çfarë do të bëni është të buzëqeshni dhe ata do ta dinë se ua keni pëlqyer postimin .

Rrjeti social ka blerë FacioMetrics, një program për njohjen e fytyrës, për ta integruar teknologjinë në platformë.

Duke skanuar fytyrat e miliona përdoruesve nëpër botë, programi do t’i matë reagimet për të zhvilluar kontrolle të bazuara në gjeste , të tilla si ‘buzëqeshje për like’, transmeton Gazeta Express .

Facebook tha se e ka blerë kompaninë për njohjen e fytyrës FacioMetrics, për ta përdorur teknologjinë e saj për shpërndarje të fotove dhe videove në mënyrë që ta sfidojë më mirë Snapchat .