Parashikimi i motit për pesë ditët e ardhshme [IHMK]

Sipas Institutit Hirdometerologjik të Kosovës vendi ynë do të mbetet nën ndikimin e masave të ajrit me presion të lartë atmosferik.

Në këto kushte do të mbajë mot kryesisht i vranët dhe me reshje të borës të cilat fillimishtë do ta përfshijnë veriun e vendit dhe më tej gjithë territorin.

Reshjet më intensive parashihen të jenë në veriperendim të vendit dhe në jugperendim, por edhe pjesë tjera do të kenë reshje por të intensitetit më të ulët.

Temperaturat minimale do të regjistrohen të hënën diku nga -9 deri -7 gradë Celsius, kurse ditëve në vijim temperaturat minimale do të shënojnë vlerat nga -6 deri -4 gradë Celsius, kurse temperaturat maksimale do të lëvizin ndërmjet -3 deri -1 gradë Celsius.

Do të fryjë erë nga veriu dhe verilindja me shpejtësi nga 2-9m/s.