Mos bëni plane për këtë vikend, pa e shikuar parashikimin e motit

Instituti Hidrometeorologjik i Kosovës njofton se në fundjavë do të ketë reshje shiu dhe në disa vende edhe borë.

Ja njoftimi i IHMK-së:

Gjatë këtyre dy ditëve të vikendit do të mbajë mot i ndryshueshëm , i përcjellur me vranësira të dendura.

Vranësirat gjatë natës dhe nesër do të shoqërohen me reshje shiu dhe vende-vende reshjet e shiut do të jenë të përziera me borë, deri sa në viset malore do të ketë vetëm reshje bore.

Temperaturat minimale do të lëvizin ndërmjet -1 deri 2 gradë Celsius, kurse temperaturat maksimale do të lëvizin nga 6 deri 10 gradë Celsius. Do të fryjë erë nga jugperëndimi dhe më pas nga verilindja me shpejtësi deri 9m/s.

Po ashtu reshjet e shiut mund të jenë të përziera me balt por që nuk janë fenomene të pazakonta , reshje me pluhur ka pasur dhe viteve tjera, hera e fundit me reshje te kesaj natyre ishin vitin e kaluar. Pluhuri saharian nga Sahara ka perfshirë Spanjen, një pjesë të Italisë dhe neser apo gjate natës pritet të arrijë në Shqiperi dhe në vendin tonë me intensitet të dobët .