Përdorimi i tepërt i deodorantit i merr jetën 12-vjeçares (Foto)

Një vajzë 12 vjeçare ka vdekur pas përdorimit të tepërt të deodorantit në furgonin e pushimeve të familjes së saj.

Paige Daughtry, ishte shumë e brengosur rreth higjienës personale të saj, kështu që ka përdorur sprej për trup në masë të madhe, thuhet në një hetim gjyqësor, shkruan “Manchester Evening News”.

Thuhet se “substanca e avullueshme” në aerosol ka ndikuar në ritmin e rrahjeve të zemrës së vajzës, transmeton Klan Kosova.

Ajo ishte gjetur e shtrirë përmbys në shtratin e furgonit ku po pushonin nga e ëma e saj.

Pavarësisht se është dërguar për në spital, ajo nuk ka mundur të mbijetojë – ku ka vdekur dy orë më vonë.

Hetuesit policor që po merrnin me rastin kanë gjetur një kanaçe të deodorantit pranë vendit ku është gjetur vajza.

Doktorët kanë thënë se ajo ka thithur butan dhe izobutan por që nuk ka pasur ndonjë shenjë të “përdorimit kronik”.

Patologu o forenzikës, Dr. Jonathan Metcalfe ka thënë se vdekja e saj ka ardhur si pasojë e “thithjes se substancave avulluese” që janë të pranishme në deodorant.