Dimri ende s’ka përfunduar: Të hënën temperaturat -3 dhe borë

Duket se ende nuk ka kaluar dimri në vendin dhe rajonin tonë. Pas disa ditëve të nxehta dhe më diell, nga nesër vendi ynë mbulohet me re, duke bërë kështu që të ulen edhe temperaturat.

Të dielen mund të ketë vetëtima dhe bubullima, ndërsa të hënën temperatura do të zbresin në minus gradë.

Sipas të dhënave meteorologjike, të hënën në Kosovë temperatura minimale do të shënojë -3 gradë celsius, kurse ajo maksimalja 10 gradë.

Po ashtu pritet që të ketë edhe reshje bore në viset malore,. Të martën temperaturat pritet të rritën pak, duke kaluar nga minusi. Për ditën e dytë të javës temperaturat parashihen të jenë nga 5 deri në 13 gradë celsius.