Alarm: Numri i adoleshentëve përdorues të drogës po rritet

Rreth 6 mijë përdorues të drogave janë në Kosovë. Këto shifra dalin të jenë të njëjta edhe për shtetin e Shqipërisë.

Këto shifra gjenerojnë probleme në shoqëri, për më tepër këto shifra alarmojnë rritje të veprave penale të adoleshentëve. Kështu e cilëson këtë gjendje neuropsikiatri Fahri Drevinja, shkruan Gazeta Shneta.

“Neve po na u rriten sjelljet antisociale dhe veprat penale të adoleshentëve. Në Qendrën e Paraburgimit në Lipjan që është qendër destinuese për adoleshentët të cilët kanë masën e paraburgimit dhe janë të vendosur, është numëri madh. Kjo alaramon që diçka nuk është në rregull, ose familja nuk po bën sa duhet për fëmijët e vet, adoleshentët e vet, ose shoqëria nuk është siç duhet, ose shkolla”, konsideron Drevinja.

Neuropsikiatri tha se personat e varur nga droga kanë nevojë për trajtimin e duhur, e jo burgimin e tyre. Sipas tij, mungesa e repartit të veçantë për trajtimin e tyre është sfida kryesore.

“Afër 6 mijë përdorues të drogave, të rrezikshëm në Kosovë, po ashtu edhe në Shqipëri. Dhe ky numër gjeneron probleme. Këta përdorues duhet dikun të adresohen. Ne kemi pretenduar që të jemi pikë referente, ne kemi një mundësi si profesionistë. Por problemi është teknik se nuk kemi hapësirë të posaqme, për me i pa barrierat e tyre deri në stadin e fundit. Ata duhet një repart specifik sepse vet trajtimi i tyre është speficik”, deklaroi ai.

Drevinja kërkon nga ministritë që të bëjnë zgjidhjen e këtij problemi. Ai thotë se IPF mund të jetë pikë referente për të gjithë personat që kanë kryer vepër penale, por duhet hapësirë dhe reparte të reja. /GazetaShneta/.