Cilat femra rrezikojnë të lindin fëmijë me autizëm

Femrat që marrin antidepresantë para ose gjatë shtatzënisë kanë 81% më shumë gjasa të kenë fëmijët me autizëm.

Sipas ekspertëve, fëmijët e lindur nga nëna që përdorin ilaçet kundër depresionit kanë rrezik më të lartë, deri në 77 % për çrregullime të spektrit të autizmit.

Megjithatë, Irene Petersen, një studiuese në Universitetin College në Londër, e cila nuk ishte pjesë e studimit, tha se është e ndërlikuar të studiosh ekspozimin ndaj ilaçeve kundër depresionit në shtatzëni dhe rrezikun e ASD¬s, pasi efektet e përdorimit të ilaçeve shpesh është e vështirë të ndahen nga faktorë të tjerë të rrezikut, shkruan Living.

“Me provat ekzistuese, ne ende nuk mund të përjashtojmë mundësinë që kjo është sëmundje e nënës dhe jo ilaçet kundër depresionit” , thonë studiuesit.

Sipas shifrave rreth një në shtatë gra vuajnë nga depresioni gjatë shtatzënisë. Edhe pse shumë raste janë të vogla, rreth 20.000 gra shtatzëna mendohet se marrin çdo vit ilaçe kundër depresionit – rreth një në 25 gra britanike.

NHS këshillon se ilaçet nuk janë të rekomanduara për gratë shtatzëna. Megjithatë, ka përjashtime që mund të bëhen në varësi nga shkalla e depresionit.

Dr .Patrick O’Brien, zëdhënës i Kolegjit Mbretëror të Obstetërve dhe Gjinekologëve, më herët ka thënë: “Depresioni në shtatzëni mund të jetë shumë i rëndë për një grua dhe mund të ndikojnë në shëndetin e fëmijës së saj, kështu që ne duhet të marrim parasysh të mirat e ilaçeve antidepresive në raste të tilla.

Këshilla jonë për gratë shtatzëna që vuajnë nga depresioni do të ishte që në përgjithësi të peshojnë përfitimet më shumë se rreziqet, dhe këtë duhet ta bëjnë së bashku me mjekun obstetër.” /Lajmi.net/