Peshkimi më i çmendur që keni parë ndonjëherë (VIDEO)

Ekziston një fshat i thatë me emrin Bamba, mbi një bjeshkë të thatë në Mali, ku bëhet një peshkim jo i zakonshëm.

Kjo pjesë e botës ka një thatësi të madhe me mungesë të ujit. Aty ndodhet një liqen përplot me peshqi të llojit mustak, ku peshkimi është i ndaluar deri në kohën e mbajtjes së një riti të veçantë nga banorët e këtij fshati.

Pë çdo vit në këtë vend mbahet një spektakël i veçantë, që banorët e quajnë “Riti Antogo”, gjatë të cilit, në një atmosferë të tensionuar, me qindra njerëz hidhen njëkohësisht në liqen për të zënë duarthatë sa më shumë peshqi që ata munden.

Ky peshkim mjaft i tensionuar, që njihet edhe si peshkimi më i çmendur në botë, zgjatë rreth 15 minuta, ndërsa atmosfera që krijohet gjatë tij është e papërshkrueshme.

Liqeni i vogël i shenjtë, me përmasat e një pishine olimpike, ka mbetur si kujtim i kohëve kur ky rajon ishte shumë i plleshëm.

Në ditën kur mbahet “Riti Antogo”, banorët e fshatrave përreth, të rinj e të vjetër, të pajisur vetëm me shporta, të punuara me dorë, hidhen në liqen për të zënë peshqi. Femrat ndërkaq, nuk guxojnë të marrin pjesë në peshkim, sepse konsiderohen të papastra për shkak të ciklit menstrual./gazetametro.net