Ky është fshati më i pasur kinez, por me rregulla të çuditshme

Banorët e fshatit Huaxit, janë shumë të pasur, por megjithatë, ata jetojnë sikurse në një burg të hapur, pasi nuk lejohen të komunikojnë me tjerët.

Dikur fshat komunist me një komunitet bujqësor të dobët, tani një një ‘utopi komuniste’, vendi konsiderohet si një ndër vendet më të pasura në lidhje me biznesin e çelikut dhe të anijeve, transmeton portali arbresh.info

Rreth 2 mijë banorë janë të regjistruar, për të cilët thuhet se kanë kujdes shëndetësor dhe arsim falas.

Gjithkush punon shtatë ditë në javë, pa asnjë ditë pushim.

Ata jetojnë në shtëpi luksoze dhe kanë makina luksoze, ndërsa kanë të paktën rreth 250 mijë dollarë në llogaritë bankare, megjithatë atyre u ndalohet të flasin edhe me gazetarët.

Sipas punëdhënsve, punëtorët që largohen nga vendi i punës dhe më pas nga fshati, nuk u lejohet të marrin asgjë nga pronat private të tyre, sepse sipas tyre ‘pasuria e atyre që largohen u përket fshatarëve’.