Këto sëmundje i parandalojnë dredhëzat

Dredhëzat jo vetëm që janë të ëmbla dhe të lëngshme, por ato mund të bëjnë edhe mrekulli për shëndetin tuaj.

Dredhëzat, të cilat përmbajnë më shumë vitaminë C se portokajtë, janë përdorur qysh në lashtësi për të pastruar sistemin e tretjes.

Ato përmbajnë edhe fitonutrien – përbërës mbrojtës të cilët kanë shumë efekte të mira shëndetësore, transmeton Gazeta Express.

“Dredhëzat janë mbrojtëse për zemrën, anti-inflamatore dhe kanë veti anti-kancer”, thotë eksperti i dietave Nigel Denby.

“Ato radhiten si një nga ushqimet më të shëndetshme të botës”, shtoi ai. Duke shkruar për “The Hippocratic Post”, ai tha se dredhëzat janë të pasura me anti-oksidantë të cilët është zbuluar se ngadalësojnë rritjen e tumoreve.

Madje, një studim i publikuar në “Arkivat e Okulistikës” gjeti se të hash tre ose më shumë porcione dredhëza, reduktohet rreziku nga dobësimi i shikimit për 36%.