E braktis i fejuari 3 ditë para dasmës, ajo që bën kjo femër të lë pa fjalë

Carly Akers është një vajzë 30- vjeçare angleze e cila jeton në Kent. Për nëntë vite me radhë ishte e fejuar me Shaun, njeriun me të cilin ka dhe dy fëmijë.

Në muajin prill ata do të martoheshin, duke kurorëzuar gjithçka. Do të merrnin pjesë në një ceremoni të dyfishtë duke qenë se edhe vëllai i Carly do të martohej, por fatkeqësisht fundi nuk ishte i lumtur.

Ajo e akuzoi të fejuarin se e kishte tradhtuar në festën e beqarisë ku ishte me 20 shokë, duke u përfshirë keq nga xhelozia. Por Shaun mohoi gjithçka nga ana e tij, por akuzoi gruan se ishte ajo që e kishte tradhtuar para disa vitesh.

Kështu çifti vendosi të ndahej vetëm tre ditë para dasmës. Por Carly nuk e anuloi ceremoninë, duke besuar deri në minutën e fundit se Shaun do të paraqitej… por e gjeti veten duke kaluar e vetme me fustanin e bardhë në kishë.

Miqtë dhe të afërmit, menduan se ishte një shaka e çiftit, por në fund u detyruan të pranojnë të vërtetën.

“Nuk e di nëse do e kalojë ndonjëherë faktin që më braktisën në altar. Martesa duhet të jetë dita më e bukur e jetës së një femër, por për mua ishte më e tmerrshmja”, thotë 30- vjeçarja. Ajo qau për ditë të tëra, por momenti më i keq me të cilin u përball ishte kur u tha të bijave se babai nuk do jetonte më me to.