Shtyhet misioni i 'Mars One' për dërgimin e njerëzve në Mars

Firma me bazë në Holandë i ka shtyrë planet ambicioze për lansimin e misionit të parë me njerëz në Planetin Mars për të paktën edhe disa vjet, ndërsa arsyetimi për këtë vendim janë telashet financiare.

Vendimi i 'Mars One' për ta shtyrë misionin në drejtim të Planetit të Kuq nuk vjen si befasi, marrë parasysh planet tejet ambicioze për kolonizim, transmeton gazeta Kosova Sot.

Qëllimi fillestar ka qenë dërgimi i kolonizuesve të parë në Mars deri në vitin 2026, udhëtim ky që do të ishte njëdrejtimësh dhe që sipas të gjitha gjasave do të përfundonte me një katastrofë.

Tani kompania pretendon që këtë qëllim ta arrijë pesë vjet më vonë - në vitin 2031 - që gjithsesi duket të jetë tejet ambicioz, gjithashtu.