Turisti gjerman që po habit të gjithë: Me traktor për pushime në këtë shtet (Foto)

Një turist gjerman ka përzgjedhur një mjet të pazakontë transporti për të udhëtuar në bregdetin kroat, ku do t’i kalojë pushimet dyjavore.

63-vjeçari Ernst Ebeling i cili jeton në qytetin e vogël të Hohenhameln, 35 kilometra larg nga Hanoveri ka udhëtuar këtë vit me traktor në Trogir të Kroacisë për pushime verore.

Në rrugën për në Trogir, atij i është dashur t’i përshkojë 1.700 kilometra.

Udhëtimi i është ndarë në nëntë ditë, ku secilën ditë ai kaloi 110-250 km me shpejtësi prej 24-27 kilometra në orë, njofton “RT”.

Natyrisht, gruaja e tij nuk e shoqëroi atë në këtë udhëtim, duke zgjedhur avionin drejt Kroacisë.