QKUK konfirmon vdekjen e dytë nga fruthi

Qendra Klinike Universitare e Kosovës e ka konfirmuar vdekjen e dytë nga fruthi.

Mirlinda Qyqalla, zëdhënëse e QKUK-së ka thënë se viktima e moshës 37 vjeç nga Lipjani.

“Ju konfirmoj se sot rreth orës 13:30 është shënuar viktima e dytë nga fruthi në Kosovë.

Viktima e moshës 37-vjeçare nga komuna e Lipjanit, 2 muaj më parë ishte diagnostikuar me tuberkuloz ndërkohë që më shumë se 2 javë i diagnostikuar edhe me fruth dhe ndodhej në Klinikën Infektive. Përkundër kujdesit intensiv të vazhdueshëm dhe reanimimit nga stafi Klinikës Infektive ai nuk mundi të mbijetoi, sepse gjendja ishte shumë e rëndë”, ka thënë ajo./Lajmi.net/