Ky është përbërësi që trajton dhimbjen therëse të shpinës

Qëndrimi për një kohë të gjatë ulur, mbajtja e peshave të rënda, gjumi i parehatshëm apo dhe sforcimi gjatë aktivitetit fizik janë disa prej arsyeve kryesore të cilat çojnë në shfaqjen e dhimbjes therëse të shpinës.

Një dhimbje, të cilën me siguri e keni provuar të paktën një herë në jetë. Por, në rast se nuk paraqisni inflamacion të shtyllës kurrizore, Living ju propozon recetën e mëposhtme.

Ju nevojiten 1 çorap nailoni, 1 çorap pambuku, 2 gota uji me oriz të pagatuar dhe një lidhëse për çorapet. Mbushni çorapen e nailonit me oriz dhe pasi ta keni lidhur mirë, futeni në mikrovalë për 3-5 minuta në temperaturë maksimale.

Më pas çorapen e nailonit futeni brenda çorapës tjetër dhe e vendosni për disa minuta në atë pjesë të shpinës ku keni dhimbje.