Ky super talent refuzon Zvicrën për të luajtur tek Përfaqësuesja e Kosovës

Idriz Voca i ka thënë jo Zvicrës për të vazhduar karrierën me Kosovën.

Mesfushori i Luzernit është ftuar zyrtarisht nga trajneri i Zvicrës U20 Gérard Castella, për ndeshjen e ardhshme kundër Italisë në Elite League por 20 vjecari ka refuzuar të veshë fanellën helvetike.

Voca me paraqitjet e tij në Superligën e Zvicrës sidomos në vitin 2018 që të Luzerni është bërë i pazëvendësueshëm, ka tërhequr vëmendjen e krerëve zviceran.

Ai deri tash ka luajtur me kombëtaren U21 të Kosovës në ndeshjet kualifikuese për kampionatin evropian Italia 2019. Voca në 3 ndeshje është paraqitur si qendërmbrojtës edhe pse te Luzerni po luan si mesfushor defanziv në bashkëpunim me mesfushorin kosovar, Hekuran Kryeziu.

Vendimtarë që Voca të refuzoj Zvicrën dhe të zgjedhë Kosovën kanë qenë familja e tij dhe menaxheri Gëzim Ibrahimi.

Vlenë të theksohet që 20 vjeçarin e ka kërkuar edhe Alban Bushi për kombëtaren U21 të Shqipërisë por ai ka zgjedhur përfundimisht “Dardanët”. /Marrë nga gazetari i sportit, Arlind Sadiku.