Pranvera nis me reshje bore, ja parashikimi i motit për javën e ardhshme

Insituti Hidrometeorologjik i Kosovës ka njoftuar se vendi ynë gjatë javës së ardhshme do të jetë nën ndikimin e masave të ajrit me presion të ulët.

Si rezultat do të ketë temperatura më të ulëta, reshje shiu dhe bore..

“Vendi ynë mbetet nën ndikimin e masave të ajrit me presion të ulët atmosferik. Në këtë situatë meteorologjike do të mbajë mot me vranësira dhe fillimisht me reshje shiu të intensitetit mesatar deri lokalisht intensive të cilat në ditët në vijim, parashihen që reshjet të jenë në formë dëbore.

Këto masa me origjinë polare të cilat kanë përfshirë europën perendimore, dalë ngadalë do të shtrihen edhe mbi vendin tonë, duke krijuar kushte që fillimi i stinës së pranverës të jetë me reshje shiu dhe bore. Temperaturat minimale do të lëvizin ndërmjet -3 deri 2 gradë , kurse maksimalet e ditës parashihet të lëvizin ndërmjet 4-11 gradë Celsius”, thuhet në njoftimin e IHK-së.

Do të fryjë erë kryesisht nga verilindja me shpejtësi mesatare deri 8m/s.