Kupa arrin në Gjilan, i gjithë qyteti jashtë

Tifozët intelektualë të cilët shkuan në Pejë për të ndjekur nga afër ndeshjen Drita-Prishtina, tashmë janë kthyer në qytetin e tyre.

Bashkë me lojtarët, në Gjilan ka arritur edhe Kupa, të cilën e morën pas fitores në stadiumin e Pejës, duke marrë kështu titullin e Kampionëve të Kosovës në futboll.

Në Gjilan janë mbledhur mijëra banorë të cilët me shumë atmosferë po festojnë titullin kryesorë të futbollit kosovarë.

Skuadra e Dritës ka fituar titullin e Vala Superligës së Kosovës pas 15 vitesh, pasi ka barazuar 0-0 me Prishtinën.

Drita në fund të kampionatit ka numëruar 67 pikë, kurse Prishtina 64.

Drita do të na përfaqësojë në parakualifikimet e Ligës së Kampionëve – kurse Prishtina në ato të Europa Leagues.