GJESTI I MADH I MACRON PËR AFRIKANIN QË SHPËTOI FËMIJËN NË PARIS (Video)

Menjëherë pasi e ka shpëtuar një fëmijë që ishte varur në një ballkon të një ndërtese në Paris, 22-vjeçari nga shteti i Malit të Afrikës, i cili është emigrant në Francë ka marrë statusin e heroit.

Kryebashkiakja e Parisit i ka thënë se do t’i ndihmojë t’i rregullojë letrat franceze ndërkohë që Presidenti Emannuel Macron ka shkuar edhe më tej.

“Me z.Gassama i cili shpëtoi jetën e një fëmije të shtunën duke u ngjitur në katin e katërt. Si njohje për këtë akt heroik i thashë se statusi i tij do të rregullohet dhe se brigada e zjarrfikësve të Parisit është e gatshme ta mirëpresë në punë”, ka shkruar Macron në Twitter.

“Unë po ashtu e ftova atë që të aplikojë për natyralizim. Franca e ka këtë dëshirë dhe z. Gassama e demonstroi me përkushtim se e meriton”, ka shkruar Macron.