MASHT: Testet e Maturës s’janë ato që po dalin në rrjete sociale

Përmes një njoftimi për media, Ministria e Arsimit, Shkencës dhe Teknologjisë, ka thënë që testet e Maturës që po qarkullojnë nëpër rrjete sociale, nuk janë testet reale që janë në ditën e testimit. MASHT ka bërë apel te të gjithë nxënësit, që të mos bien pre e “keqpërdoruesve, të cilët pretendojnë se e kanë publikuar testin për ditën e dytë në rrjete sociale”. Sot mbahet testi i maturës për rajonin e Prishtinës Pavarësisht se MASHT thotë që testi real nuk po qarkullon online, në Facebook janë krijuar grupe të ndryshme ku po shpërndahen pyetjet. Sipas komunikimeve të maturantëve në grup, ata po i marrin nga dy telefona me vete, njërin për t’ia dorëzuar komisionerëve e tjetrin për ta mbajtur për vete.