Përfundimtare, Salah do të jetë i gatshëm për Kupën e Botës

Sulmuesi i Liverpoolit, Mohamed Salah do të jetë i gatshëm të luajë në Kupën e Botës për Kombëtaren e Egjiptit dhe mund të kthehet në fushat e blerta brenda tre javësh, njofton kombëtarja e Egjiptit.

25 vjeçari lëndoi shpatullën e tij gjatë finales së Ligës së Kampionëve kundër Real Madridin të shtunën.

Salah u lëndua në pjesën e parë të takimit pas një dueli me Sergio Ramosin.

Mjeku i ekipit të Egjiptit ka takuar Salahun dhe Federatën e Futbollit të Egjiptit dhe iu tregoi atyre se sulmuesi nuk do të mungojë më shumë se tre javë.

Loja e parë e Egjiptit në Kupën e Botës është kundër Uruguajit me 15 qershor dhe ata përballen me Rusinë katër ditë më vonë.

Salah mund të mungojë vetëm në ndeshjen debutuese në Kupën Botërore.