Skandal: Gjyqtari i Kupës së Botës përfshihet në trukime të ndeshjeve

Fifa e ka larguar gjyqtarin arab, Fahad Al Mirdasi nga Kampionati Botëror 2018, pasi ai është i përfshirë në një skandal trukimesh.

Al Mirdasi tashmë është ndaluar të gjykojë ndeshje edhe nga Federata e Futbollit Arab, shkruan GazetaBlic

FIFA pretendon se ai pranoi të kurdisë ndeshjen finalen e Kupës së Mbretit midis Al Ittihad dhe Al Faisaly.

Pas shqyrtimit të provave Fifa reagoi duke e larguar atë nga lista e gjyqtarëve të zgjedhur për të ndarë drejtësinë në Kupën e Botës 2018.

Organi qeverisës i futbollit botëror gjithashtu pretendon se Mohammed Al Abakry dhe Abdulah Al Shalwai, dy gjyqtarët ndihmës ishin të përfshirë në këtë skandal.

Al Mirdasi ka qenë një gjyqtar i FIFA-s që nga viti 2011. Komiteti i gjyqtarëve të FIFA-s zgjodhi të mos e zëvendësonte direkt atë, por në vend të kësaj ka ftuar dy gjyqtarë ndihmës, Hasan Al Mahri nga Emiratet e Bashkuara Arabe dhe Hiroshi Yamauchi nga Japonia.