Ndërhyrja e Behramit mund ta lë Granit Xhakën jashtë Kupës së Botës

Granit Xhaka është detyruar të largohet nga stërvitja me ekipin kombëtar të Zvicrës pas një dëmtimi të pësuar në gjurin e këmbës së majtë.

Përfaqësuesja e Zvicrës po kryen fazën e fundit përgatitore për Kupën e Botës ‘Rusia 2018’ në Lugano.

Këtë pasdite, ekipi i Zvicrës ka ndërprerë stërvitjen pas një lëndimi jo të lehtë të pësuar nga mesfushori Granit Xhaka.

Xhaka sipas raportimeve të medieve zvicerane, është lënduar në gjurin e këmbës së majtë pas një dueli me Valon Behramin.

Pas kësaj, Xhaka nuk ka qenë në gjendje të vazhdojë stërvitjet, duke u dërguar me urgjencë në spitalin më të afërt.

Këto media raportojnë se Xhaka rrezikon edhe pjesëmarrjen në Kupën e Botës, që fillon më 14 qershor.