Kryeministri Haradinaj bashkë me gruan në koncertin e Rita Orës në Tiranë

Sonte në qendër të Tiranës, në sheshin 'Skenderbej' ka performuar këngëtarja Rita Ora.

Në mesin e shumë të pranishmëve ishin edhe kryeministri i Kosovës Ramush Haradinaj me gruan e tij Anitën, shkruan lajmi.net

I pari i qeverisë, përmes një shkrimi në Facebook ka thënë se ka qenë kënaqësi dhe krenari që ta shijojë performancën magjike të Rita Orës në Tiranë.

”Ishte kënaqësi që së bashku me të parin e Tiranës, Erion Veliaj, ta shijonim performansën magjike të Rita Orës. Të mbushë krenari prania e sontme në sheshin “Skënderbej” të Tiranës, që tuboi shqiptarët nga të gjitha hapësirat”, ka shkruar Haradinaj.