Vuçiq: NATO-ja më ka paralajmëruar nëse tentojmë të hyjmë me ushtri në Kosovë

Presidenti i Serbisë, Aleksandar Vuçiq, ka thënë se është paralajmëruar nga NATO-ja nëse Serbia tenton t'i kthejë 1 mijë ushtarë.

“Nëse përpiqemi të bëjmë një gjë të tillë, do të përballemi me forcën më të madhe ushtarake në botë”, ka thënë Vuçiq. 

Vuçiq i është përgjigjur pyetjes së një gazetari nëse Serbia, pas ‘sulmeve’ të shpeshta mbi serbët dhe “spekulimeve që erdhën nga mediat e Prishtinës për vendosjen e forcave të sigurisë serbe përgjatë vijës administrative, për të futur në Kosovë një mijë pjesëtarë të forcave të saj të sigurisë, siç parashikohet në rezolutat e OKB-së”.