Serbia e e bindur se po krijohet ‘Shqipëria e Madhe’

Ministri serb i Tregtisë, Turizmit dhe Telekomunikacionit, Rasim Ljajiq i është ankuar sot ambasadorit të Francës në Serbi, Frederik Mondolin bashkimi doganor mes Shqipërisë dhe Kosovës është akt i njëanshëm politik.

Sipas tij ku akt është në kundërshtim me të gjitha përpjekjet për të krijuar një hapësirë ​​të vetme ekonomike në Ballkanin Perëndimor, transmeton lajmi.net.

Ljajiq vuri në dukje se Serbia ishte plotësisht e angazhuar për një ide të tillë, por për fat të keq, gjërat që nuk kanë të bëjnë fare me ekonominë gjenden në kohën e fundit dhe ato janë në kundërshtim me procesin e përmendur, shkruan Danas.

Për këtë çështje, ka pasur reagime të ndryshme nga shteti fqinj, Serbia, e cila vazhdimisht lobon në dëm të shtetësisë së Kosovës.

I pari, si jo rrallë herë ishte presidenti serb, Aleksandar Vuçiq, ai tha se heqja e reciprocitetit mes Kosovës dhe Serbisë është e papranueshme dhe destabilizon rajonin, ku kërkoi të ketë reagime edhe nga ndërkombëtarët.

Njëjtë si shefi i tij, ishte edhe ministri i Mbrojtjes, Aleksandër Vulin ai sot tha se një hap i tillë është një hap drejt krijimit të ‘Shqipërisë së Madhe’. Poashtu, ai kërkoi të ketë reagime nga ndërkombëtarët.

Sido qoftë, si duket askujt nuk i ka penguar heqja e reciprocitetit mes Shqipërisë dhe Kosovës, pasi përveç Serbisë nuk ka pasur ndonjë kundërshtim ose reagim negativ.