EKSKLUZIVE: Një grua del në foltore papritmas, Haradinaj e largon me forcë nga skena

Seancë dhe Akademi solemne janë mbajtur të dielën në Hapësirën e Lidhjes së Prizrenit në 140 vjetorin e saj. Mos organizimi i duhur bëri që të ketë edhe momente jo të këndshme. Aty fillimisht nuk ia dha fjala Presidentit të Shqipërisë, Ilir Meta, ku më pas reagoi Ramush Haradinaj, duke kërkuar nga mysafirët që të qëndrojnë ulur për t’ia dhënë fjalën Presidentit Meta, pas tij në foltore si e pa ftuar doli një grua e cila nisi të flas. Së pari reagoi Kadri Veseli, i cili tentoi të flas me gruan, por ajo nuk e ndalte fjalimin e saj, më pas shkoi Ramush Haradinaj, i cili bashkë me sigurimin larguan atë nga foltorja. Kurse, kryetari i Prizrenit, Mytaher Haskukaj tha se kishin një përzierje të seancës me akademinë për shkak se po mbahen në të njëjtin vend. E pas fjalimit të tij, ishte një i moshuar që iu ofrua mysafirëve të rendit të parë, ku sërish reagoi Haradinaj dhe i moshuari u largua nga sigurimi.