Shaqiri: Nuk ia kemi frikën Serbisë

Xherdan Shaqiri është shprehur optimist para sfidës me Serbinë, duke thënë se Zvicra nuk ia ka frikën asnjë skuadre.

Zvicra dhe Serbia do të përballen në një takim “final” në botërorin e Rusisë në kuadër të xhiros së dytë të fazës së grupeve.

‘Helvetikët’ kanë marrë një rezultat të mirë ndaj Brazilit duke barazuar 1:1, ndërsa Serbia ka mposhtur 1:0 Kosta Rikën.

“Unë nuk mendoj se ka shumë presion mbi ne, ne nuk ia kemi frikën askujt, ne kemi cilësi për të fituar ndaj gjithkujt”, ka deklaruar Shaqiri para ndeshjes me Serbinë.

“Ne i njohim aftësitë tona, kemi lojtarë të mëdhenj që luajnë në ligat më të forta me vite”.