Kohë e keqe në gjithë Ballkanin, kosovarët braktisin bregdetin

Moti pa qëndrueshëm ka sjellë reshje shiu dhe mot të ftoftë në të gjithë Ballkanin. 

Shumë plazhe gjithandej Shqipërisë, Mali të Zi dhe Greqisë janë braktisur nga pushuesit. Madje në Greqi plazhet janë vërshuar nga uji. Pushuesit kosovarë që kanë mbetur ende në plazhet e Shqipërisë, respektivisht në atë të Velipojës, i kanë thënë lajmi.net se sot nuk kanë mundur fare të dalin në plazh, ndërsa vazhdon të fryjë erë e fuqishme dhe temperatura maksimale janë nën 20 gradë celsius. Në anën tjetër, në rrjetet sociale janë publikuar fotografi nga ishulli grek Evia. At plazhet shihen të mbuluara me ujë. Njejtë është edhe në Tesalia, por edhe në ishullin Pilon ku edhe rrugët janë vërshuar nga uji. Temperatura të ngjashme si në Shqipëri dhe vendet tjera bregdetare në Ballkan pritet të jenë edhe në ditët në vazhdim.