Ministri i PDK-së: Xhabir Zharku, turpi i Kosovës

Në konferencën e organizuar nga BIRN dhe INTERNEWS KOSOVA, ky po diskutohet për publikimin e raportit të monitorimit të gjykatave, ministri i drejtësisë, Abelard Tahiri tha se bashkohet me vlerësimin e ambasadorit britanik në Kosovë, Ruairi O’Connell rreth ish- kryetarit të Kaçanikut, Xhabir Zharku. Në konferencën është publikuar raport i monitorimit të gjykatave, ministri i drejtësisë, Abelard Tahiri tha se bashkohet me vlerësimin e ambasadorit britanik në Kosovë, Ruairi O’Connell rreth ish- kryetarit të Kaçanikut, Xhabir Zharku. Në pyetjen e Jeta Xharrës, se si e komenton kthimin e Zharkut në Kosovë, Tahiri duke mos ia përmendur emrin, tha se Zharku është turpi i Kosovës dhe rastet e tilla nuk duhet të përsëriten. “I bashkohem ambasadorit britanik, është turpi i Kosovës, por rastet e tilla nuk duhet të na demotivojnë që ta mbështesim gjyqësorin. Rastet e tilla nuk duhet të përsëriten”, tha Tahiri.

Tahiri foli edhe për projektligjet të cilat i ka proceduar Ministria e Drejtësisë në Kuvend dhe të cilat duhet të kthehen në ligje. Ai tha se e sheh BIRN-in si partner në punën e tij në sistemin e drejtësisë. Ky raport fokus të veçantë do t’i ketë në rastet e korrupsionit, si veprat penale më me interes për shoqërinë të monitoruara gjatë vitit 2017, por gjithashtu do të trajtojë probleme të tjera të vëzhguara gjatë punës së monitoruesve në teren. Për më shumë, raporti vë në dukje shkelje procedurale nga gjykatësit, prokurorët dhe palë tjera në procedurë gjyqësore, të hasura nga monitoruesit tanë gjatë monitorimit të gjykatave në nivel të Republikës së Kosovës.