Pacolli uron Shqipërinë dhe Maqedoninë: Kosova shumë shpejt do të marr lajmin pozitiv për vizat

Ministri i Punëve të Jashtme të Kosovës, Behgjet Pacolli ka uruar Shqipërinë dhe Maqedoninë për marrjen e datës për hapjen e negociatave për anëtarësim në BE.

Pacolli përmes një postimi në Facebook, ka shkruar se edhe Kosova së shpejti do ta marrë lajmin pozitiv për viza.

“Urime Shqipërisë dhe Maqedonisë për vendimin pozitiv për hapjen e negociatave. Edhe Kosova do të marrë lajmin pozitiv për liberalizimin e vizave shumë shpejt”, ka shkruar Pacolli.

Këshilli Evropian në një draft dokument të publikuar ka dhënë konkluzione pozitive për Shqipërinë dhe Maqedoninë lidhur me hapjen e negociatave.

Këshilli i Evropës planifikon që t’i hapë negociatat me këto dy vende në qershor të 2019.