Bekim Isufi tregon gjendjen e futbollistëve pak orë para ndeshjes

Drita do të luajë sot ndeshjen finale të raundit paraeliminator të Ligës së Kampionëve ndaj kampionit të Gjibraltarit, Lincoln.

Sfida do të zhvillohet në Gjibraltar prej orës 20:30, teksa trajneri Bekim Isufi ka folur për gjendjen e futbollistëve, e cila, sipas tij është shumë e mirë.

“Ndeshje shumë e rëndësishme sidomos për neve dhe futbollin kosovar. Duhet të japim maksimumin. Duhet pasur parasysh se kemi zhvilluar një 120 minutësh me këta djem, por unë mendoj se kemi pasur kohën e rikuperimit dhe mundësinë. Kështu që mendoj se edhe koha në ora 20:30, do të jetë freskët dhe do të na ndihmojë. Besojë në këta djem nëse kemi ndryshim në paraqitje jo si në ndeshjen e kaluar atëherë Drita, mund t’ia dalë me pak fat dhe dëshirë më të madhe të kualifikohet në turin e rradhës”, ka thënë Isufi për Kornerin.

Sfida do të transmetohet në RTK prej orës 20:30.