Presidentja e Kroacisë para ndeshjes me Rusinë: Do t’ua prishim ëndrrat të gjithëve

Presidentja e Kroacis, Kolinda Grabar-Kitaroviq, ka përgëzuar ekipin kombëtar për suksesin në Kupën e Botës.

Pas një ndeshje me shume emocione dhe dramatike, Kroacia siguroi çerekfinalen, duke mposhtur Danimarkën me penallti.

Kitaroviq pas ndeshjes, ka shkuar në zhveshtoren e ekipit kroat për t’i përgëzuar për fitoren.

“Urime të Zjarrtëve. Urime për të gjithë tifozët kroatë”, ka shkruar ajo.

“Jemi pak, por jemi aty, nuk ka rëndësi, do t’ua prishim ëndrrat të gjithëve”, ka vazhduar shkrimi i saj, që ngreh një mesazh të tërthortë për rusët, ku Kroacia në çerekfinale takohet me Rusinë.