A po merr fund koalicioni? Haradinaj godet Bedri Hamzën në Kuvendin e Kosovës

Kryeministri Ramush Haradinaj ka akuzuar ish-ministrin Lutfi Zharku për krijimin e borxhit të 53 milionshit ndaj Bechtelit. 

Por, kryeministri duke i reaguar Zharkut, goditi edhe ministrin e Financave Bedri Hamzën. Kryeministri në foltoren e Kuvendit i tha ish-ministrit të transportit Lurfi Zharku, se paret e shtetit i dhimbsen më shumë vetë atij sesa ministrave të PDK’së, shkruan Express. “E di që i ke pas kolegë, por a mendon që ministrave të PDK’së ju dhimbsen paret e shtetit më shumë se mua?”, i tha kryeministri Lutfi Zharkut. Pas një fjalimi të gjatë të ish-ministrit të Infrastrukturës, Lutfi Zharku, kryeministri Ramush Haradinaj i quajti shpjegimet e Zharkut si manipulime, duke arsyetuar pagesën e gjobës prej 53 milionë eurove ndaj Bechtel-Enka për autostradën Prishtinë-Hani i Elezit./Express/