FOTO/ Rusia ndaloi flamurin, por jo edhe Kosovën, Era Istrefi fantastike në Moskë

Këngëtarja kosovare Era Istrefi ka performuar në ceremoninë mbyllëse para finales së Kupës së Botës në Rusi të dielën, në njërën prej ngjarjeve më të mëdha në botën e futbollit, ku flamuri i Kosovës u ndalua të valviste.

Nëse jo nga flamuri- i cili është radhitur në dokumentin prej shtatë faqeve bashkë me flamurin e Tajvanit, Iranit pararevolucionar, flamuj të lëvizjeve separatiste, si dhe flamujt të grupeve terroriste përfshirë të Shtetit Islamik (ISIS), Kosova sot u përfaqësua për mbrekulli nga vazja e saj, Era. Era Istrefi e performoi këngën “Live it Up”, bashkë me aktorin dhe këngëtarin e mirënjohur botëror Will Smith dhe Nichky Jam, gjysmë ore para fillimit të ndeshjes finale mes Francës dhe Kroacisë, shkruan Gazeta Express. Ceremonia mbyllëse u mbajt në stadiumin e kryeqytetit rus Moskë “Luzhniki Arena”, i cili është stadiumi kombëtar i Rusisë, para hic më pak se 81 mijë spektatorëve. Finalja mes Francës dhe Kroacisë do të nisë në orën 16:00