Drita e zhvillon ndeshjen e kthimit ndaj Dudelangen në Stadiumin e Prishtinës

Pas eliminimit nga garat e Ligës së Kampionëve, ëndrrën evropiane Drita do ta vazhdojë në Ligën e Evropës.

Skuadra gjilanase do të ndeshet me kampionin e Luksemburgut, Dudelangen.

Ndeshja e parë do të luhet më 26 korrik në Luksemburg, kurse ajo e kthimit më 2 gusht në Kosovë.

Dhe, destinacioni ka gjasa reale të jetë stadiumi i Prishtinës.

Arena ‘Fadil Vokrri’ do të testohet të shtunën më 28 korrik me një ndeshje miqësore mes vetaranëve të Prishtinës dhe atyre të Flamurtarit të Vlorës dhe nëse UEFA e pranon atë, atëherë Drita dhe Dudelange do të luajnë në Prishtinë në sfidën e parë ndërkombëtare pas renovimit të stadiumi, shkruan Gazetasheshi.com.

Gjithsesi, gjithçka mbetet për t’u parë pas datës 28 korrik.