I nxehti afrikan do të pushtojë Shqipërinë, e diela hap ‘sezonin’ e temperaturave ekstreme

I nxehti afrikan do të pushtojë Shqipërinë, e diela hap ‘sezonin’ e temperaturave ekstreme

Deri më tani dita më e nxehtë e kësaj vere në Shqipëri ka kapur një vlerë prej 38 gradësh celcius, por duke nisur nga mesdita e së nesërmes, pritet që në territorin shqiptar të vijë i nxehti afrikan. 

Sipas sinoptikanëve parashikohet që javën e ardhshme të kemi një rikthim të temperaturave të larta të cilat mund të shkojnë dhe deri në 40 gradë celcius. Kësisoj fundi i korrikut do të jetë i nxehtë në shumicën e ditëve të mbetura. 

Masat ajrore që do të sjellin këtë ndryshim vijnë nga kontinenti afrikan dhe pritet të zgjasin edhe në ditët e para të muajit gusht. 

Sinoptikanët shprehen gjithashtu se në këtë hark kohor pritet të regjistrohet dhe dita më e nxehtë e vitit 2018, ndërsa për muajin shtator parashikohet gjithashtu një rikthim i valës së të nxehtit