Mendoi se po mbytej një fëmijë, hyri në liqen të ftohtë për ta shpëtuar por...

James Dowley nga Shropshire e Anglisë, ka kaluar pranë një liqeni ku i është dukur se po mbytet një fëmijë dhe ka hyrë për ta shpëtuar, por e kuptoi se ishte vetëm një kukull.

Derisa po kthehej nga një zonë malore, ku kishte marrë trupa druri që i shfrytëzon në punëtorinë për mobilie, 28-vjeçari pa skenën dramatike dhe nuk hezitoi që të intervenonte. 

"Hoqa pantallonat dhe këpucët me shpejtësi, për tu futur në ujë. Nuk e ndjeva shumë të ftohtin, pastaj u nxeha kur kuptova që jam mashtruar", ka shkruar Dowley në fotografinë e postuar. 

Ai po udhëtonte së bashku me të atin, i cili gjithashtu kishte menduar që në ujë është një fëmijë dhe e inkurajoi të hynte për ta shpëtuar.