Shqiptarja bën krenare Shqipërinë dhe Kosovën, veprimi i saj ka bërë bujë - Foto

Arineta Mula me profesion alpiniste ka ngjitur 5 642 metra mbi nivelin e detit për të bërë që flamuri i Shqipërisë dhe Kosovës të valëvitet në Elbrus, malin më të lartë në Evropë që ndodhet në Rusi.

Mëngjesin e të dielës, alpinistja kosovare ka arritur të shpalosë jo vetëm flamurin e Kosovës, por edhe atë kuqezi të Shqipërisë pavarësisht kushteve të vështira klimatike dhe mungesës së një udhëheqësi në këtë aventurë. Suksesin e saj, Arineta Mula preferoi ta ndajë me të gjithë shqiptarët nëpërmjet rrjeteve sociale .

‘Për Kosovën tonë”, ishte dedikimi i Mulës që nuk harroi të shprehë mirënjohjen edhe për autoritetet e Shqipërisë duke qenë së udhëtoi drejt Rusisë me pasaportën e Shqipërisë. “Kisha mundësi të tjera që më lehtësonin udhëtimin drejt Rusisë, por këmbëngula që të pres dhe të udhëtoj me pasaportën shqiptare”, vijonte Arineta Mula në postimin e saj’.