Spektakli qiellor është shumë afër, gati për të shprehur dëshirat e mëdha?

Spektakli i përvitshëm me sytë nga qielli është shumë afër.

Më 10 gusht, si çdo vit, rikthehen Perseidet, ose ndryshe Lotët e Shën Lorencit, të cilat shoqërohen me rënie të dukshme yjesh nga qielli. Një fenomen astronomik, të cilin qielli na e dhuron çdo gusht. 

Ky vit, sipas ekspertëve, do të jetë ideal për të parë qiellin dhe yjet, sepse spektakli do të favorizohet edhe nga kushtet e motit. 

Fenomeni qiellor që njihet me emrin Lotët e Lorencit lidhet me martirin Shën Lorenci, më 10 gusht. Por kjo nuk do të thotë se rënia e yjeve do të jetë vetëm në këtë ditë. Qielli do të ketë rënie yjesh edhe mes 12 dhe 13 gushtit. 

Kjo ndodh kur Toka kryqëzohet me orbitën e saj dhe me kometën Swift-Tuttle, e cila lëshon një re yjesh ndërsa është duke bërë trajektoren rreth Diellit. Yjet që bien, që më pas përfshijnë të gjithë atmosferën tonë, digjen në rënie duke lëshuar në qiell edhe bishtin e tyre karakteristik. 

Sipas ekspertëve, kushtet më të mira për t"i vrojtuar janë larg qyteteve me drita, në errësirë të plotë dhe në gjysmën e dytë të natës. 

Mos harroni, çdo yll plotëson një dëshirë! Ju mendoni dhe shprehni më shumë, ku i dihet?